परतूर प्रतिनीधी कैलाश चव्हाण

दि. 3 जानेवारी रोजी सातोना (खु) येथिल यश प्रायमरी इंग्लिश स्कूल मध्ये सावित्रीबाई फुले यांची जयंती उत्साहात साजरी करण्यात आली. या कार्यक्रमाच्या अध्यक्षस्थानी प्रशालेचे प्रिन्सिपल शामीर शेख हे होते. तर प्रमुख अतिथी म्हणून मंचावरती जयराम चव्हाण तसेच सावित्रीच्या लेकी म्हणून सर्व महिला शिक्षिका उपस्थित होत्या.

सर्वप्रथम अध्यक्ष व प्रमुख अतिथींच्या हस्ते क्रांतीज्योती सावित्रीबाई फुले यांच्या प्रतिमेचे पूजन करण्यात आले. यावेळी सावित्रीबाईंच्या वेशभूषेत आलेल्या सर्व विद्यार्थिनींचा उपस्थित महिला शिक्षकांचा संस्थेतर्फे भेटवस्तू व पुष्पगुच्छ देऊन सन्मान करण्यात आला.

कु.धनश्री बिडवे ,सुरज लिपणे, नेहा बिडवे, तन्वी पवार आणि समृद्धी होंडे या विद्यार्थ्यांनी सावित्रीबाई फुले यांच्या जीवनावर आपले मनोगत वक्त केले तसेच अश्विनी कोळपे , राधिका आकात या शिक्षिकानी विद्यार्थ्यांना सावित्री बाई फुले यांच्या जीवनविषयक माहिती दिली.

अध्यक्षीय समारोपात शेख यांनी विद्यार्थ्यांना थोर लोकांच्या जीवनातून प्रेरणा घ्यावी असा संदेश दिला.

या कार्यक्रमाचे सूत्रसंचालन सांस्कृतिक विभाग प्रमुख सीमा पवार यांनी तर आभार विलास गोरे यांनी मानले. हा कार्यक्रम यशस्वी करण्यासाठी सर्व शिक्षकांनी व विद्यार्थ्ययानी प्रयत्न केले